VG2 Landbruk og gartnernæring

På Hjeltnes vidaregåande skule kan du utdanna deg til gartnar. Dette er ei treårig utdanning.

Du byrjar med Vg1 naturbruk og fortset med Vg2 landbruk og gartnernæring. Så kan du velje om du vil ta Vg3 gartnarnæring her på skulen, eller om du vil gå Vg3 landbruk på ein annan skule.

Ein gartnar driv produksjon, sal og vedlikehald av planter, både i veksthus og utandørs.
Du lærer å dyrka stauder, buskar, tre, potteplanter, snittblomar, frukt og bær.
Du lærer om planter og plantebruk for rettleiing av kundar i hagesenter.
Du bør ha interesse for planter og lika at det gror rundt deg.
Du kan fordjupa deg i emne innan gartnarnæringa, som planteskuledrift, grønsaker, frukt og bær eller blomsterproduksjon.

Aktivitetar gjennom skuleåret

- praksis i gartneriet, planteskulen, frukthagen, grønsaksavdelinga og parken
- øving i bruk av traktor
- utplassering i bedrifter
- turar og bedriftsbesøk
- kurs og fagsamlingar for næringa

Inntakskrav:

Vg1 naturbruk
Hjeltnes vidaregåande tilbyr og gartnarutdanning på deltid for vaksne.

Vidare skulegang:

Vg3 gartnarnæring eller Vg3 påbygg til generell studiekompetanse.

Ulike sertifiseringar som skulen tilbyr:
(Sjå Vg2 anleggsgartnar- og idrettsanleggsfag)